KALIBO, Aklan— Nakisadya bisan ro mga dumueoong nga turista sa dag-unang Ati-Atihan Festival sa isla it Boracay nga pormal nga nag-umpisa ko adlaw it dominggo pamaagi sa sangka misa nga ginsundan it sadsad uko street dancing sa frontbeach.
Suno kay Felix delos Santos, chief tourism officer it LGU-Malay, highlight it selebrasyon ro debosyon it mga Boracaynon kay Sr. Sto. Niño.
Dugang atraksyon eon man sigon raya makaron sa mga bisita sa isla.
Nagtaas eon man sa 305 ro numero it mga compliant accommodation establishments nga may kabilugang 10,515 rooms, kon siin sanda ro ginapasugtang magbaton it bookings.
Samtang, ginkalipay it Malay Boracay Vendors Association ro pagta-o kanda it lugar sa beachfront para sa mga gustong magbakae it souvenirs ag food products.
