-- ADVERTISEMENT --
KALIBO, Aklan–Nag-umpisa eon nga maghimos para magbalik sa tagsa ka panimaeay ro mga evacuee nga nagpabilin sa Brgy. Hall it Poblacion, Kalibo.
Suno kay Punong barangay Niel Candelario nga kapin sa waeong pamilya eon lang ro nabilin sa evacuation center it barangay.
Nailista suno kana ro pinakamaabu nga evacuee halin sa bahin it C. Laserna Street ag Oyo Torong Street.
Ginpasiguro man it opisyal nga may nakapahaum sanda nga bastanteng food pack para sa mga apektadong pamilya.
Nag-apela man raya sa ibang residente eabi eon ro owa nag-bakwit nga indi magkabaeaka bangud may nakapahaum eon nga ayuda para kanda.
-- ADVERTISEMENT --
