Nagpanawagan ro daywang hukom it International Criminal Court (ICC), nag sanday Judge Reine Adélaïde Sophie Alapini-Gansou ag Judge María del Socorro Flores Liera, nga ibasura ro petisyon it kampo ni dating Pangueong Rodrigo Duterte para sa andang diskuwalipikasyon.
Sa sangka dokumentong may petsang Mayo 22, ginpamilit it mga hukom nga uwa it basehan ro mga alegasyon kontra sa andang pagiging patas ag nagapabilin sandang tapat sa andang responsibilidad alinsunod sa Rome Statute.
Ginpamilit nanda nga ro istorya it hurisdiksyon, nga ginapamaeabagan it kampo ni Duterte, hay naresolba it ICC Pre-Trial Chamber 1 alinsunod sa andang mga obligasyon ag uwa it epekto sa mga masunod pang desisyon sa parehong isyu.
Suno sa mga hukom, ro andang mga naunang desisyon hay base sa mga argumento ag ebidensiyang gindihon sa sa nagkaeain-eain nga yugto it mga pagbista, kaya bukon sigon it makatwiran nga kwestyunon ro andang kapasidad nga magdesisyon it patas.
Si Duterte hay una sa kustodiya eon it ICC sa The Hague, Netherlands, samtang nakataeanang umpisahan ro kumpirmasyon it mga kaso kontra kana sa Setyembre 23, 2025.
