Nag-inaway ro mga Israeli police ag mga tawo nga nagtambong sa eubong it Al Jazeera reporter nga si Shireen Abu Aqla.
Ginbakoe it mga pulis ro mga tawo nga nag-insister nga makipagdutdutan sa eubong.
Sangkiri eon lang nga mahueog ro kabaong it namatay nga journalist bangud sa kaabuon it mga tawo.
Depensa man it mga pulis nga ginbakoe nanda ro mga tawo bangud may pila kanda nga nanghaboy it bato.
Nasayuran nga nabaril sa ueo rason it kamatayon ni Abu Ada samtang raya hay cover it military operation sa West Bank.
Ro 51-anyos nga journalist hay masobra eon sa daywang dekada nga naga-cover sa gulo nga natatabo sa tunga it Israel ag Palestine.
Sa pihak nga parte, haum man nga pagasabton ni Palestinian President Mahmoud Abbas sa International Court ro nasambit nga kamatayon it journalist.
