KALIBO, Aklan — Sa tuyo nga makita ro iba pang mga kinahangean nga ayuson, nagpatigayon it test run ro National Irrigation Administration (NIA) ko Miyerkules nga adlaw, Mayo 15 , sa mga ginka-ayad nga irrigation canlas sa banwa it Kalibo ag iba pang mga lugar sa eastern side .
Apang ginklaru ni Engr. Lorena Sioco it Aklan-Capiz Irrigation Management Office nga ro tubi nga ginpaguwa halin sa intake hay indi pa pwedeng gamiton .
Sa Hunyo 1 pa sigon ro pinal nga pagbukas it mga irrigations canals sa mga kaeanasan.
Sa makaron suno kana hay padayun ro paglimpyo it mga miyembro it Federation of Irrigators Association sa mga main canal nga andang nasakupan .
Nasayuran nga ko Oktubre 1 hay gin-umpisahan ro an-um nga buean nga temporaryong pagpasarado it irrigation canals.
Samtang, ginpaabot ni Engr. Sioco nga ro construction it diversion dams para sa Aklan River Irrigation System nga nahamtang sa Brgy. Sigcay, Banga ag Brgy. Kinalangay Nuevo, Malinao nga nagabalor it P370 million hay ginaeauman nga matapos sa Pebrero ukon Marso, 2020.
Ro proyekto hay gin-umpisahan ko Enero 22, 2018.
Pinaagi sigon sa proyekto hay makasigurado ro mga mangunguma sa eastern ag western side it Aklan nga makaangkon it tayuyon nga supply it tubi .
