LEZO, Aklan — Naka-alerto ag haum ro bilog nga pwersa it kapulisan para sa nagkaeain-eain nga aktibidad nga may kaangtanan sa selebrasyon it kaadlawan it Sto. Niño De Lezo Ati-Atihan Festival 2026, adlaw it Sabado, Enero 3, 2026.
Suno kay P/Lt. Zoila Hilario, deputy chief of police it Lezo Municipal Police Station nga may bastante sanda nga numero it pulis nga gin deploy agud nga masiguro nga magiging maayos ag matawhay ro okasyon.
Nagpadaea man sigon it Lezo Municipal Police Station halin sa Aklan Police Provincial Office ag Mobile Force Company.
Nakakalhit eon man ro mga kapulisan sa mga areas of convergence ukon matawong lugar kamana man sa mga karsadahon nga temporaryong ginpasarado ag mga unloading areas ukon gintaeana nga lugar agud nga panaugan it mga pasahero.
P/Lt. Zoila Hilario, deputy chief of police it Lezo Municipal Police Station
Gin-umpisahan ro seremonya pinaagi sa ginatawag nga Panuktok kaina it alas-8:00 it agahon kun sa siin ro mga nagasimba samtang nagahueat sa pagbukas it pwertahan it simbahan hay may daea nga mga palaspas ag bueak.
Raya hay ginsundan it santos nga misa ag procession it Sto. Niño.
Sa pihak nga parte, bandang ala-1:30 it hapon hay nagpakitang gilas ro mga contingents para sa Ati-Atihan contest proper nga may limang kategorya.
Raya hay ginaeakipan it Ati sa Banwang Lezo, Elementary ag Ati sa Banwang Lezo Secondary.
Kanya-kanyang suksok man it andang mga costumes ro nagpasakop para sa Individual Category.
Hataw man sa andang sadsad ro mga nagpasakop sa Balik Ati nga ginpasakupan it kada barangay ag Modern Ati nga gin-intrahan it mga Sangguniang Kabataan (SK).
Bandang alas-5:00 it hapon hay ginpatigayon ro awarding ceremonies.
Magadere-deretso ro kinasadya hasta sa alas-10:00 it gabi-i sa Grand Sadsad Panaad para sa publiko, pamilya ag mga clans.
