Naghathat it mga kundisyon ro Timor-Leste antes pasugtan ro deportasyon it ginpatalsik nga mamalidha nga si Arnie Teves Jr., suno kay National Bureau of Investigation (NBI) Director Jaime Santiago.
Kaibahan sa mga raya ro pagsiguro nga si Teves hay tratuhon it makatawo, indi kulungon it masobra sa 40 dag-on alinsunod sa Article 70 it Revised Penal Code, ag protektahan kontra sa anumang klase it pagpalisod.
Ginpaathag it NBI nga dapat madetine si Teves sa mga pasilidad nga nasasunod sa international standards. Indi man imaw pwedeng hatulan it kamatayan ag kinahangean mataw-an it patas ag pampublikong pagbista alinsunod sa laye it Pilipinas.
Ginsiguro it NBI nga ro tanan nga kundisyon ngara hay paga-solusyunan it gobyerno it Pilipinas bilang parte it andang legal ag makatawong proseso.
