Kalibo Aklan ———–Balik trabaho eon ro mga musikero sa Isla it Boracay umpisa kabi-e.
Suno kay Mike Deniega, representante it mga grupo it musikero sa Isla nga ginpasugtan eon sanda it lokal nga gobyerno it malay nga magtukar sa mga bars, restaurants ag iba pang establisimento.
Matsa uman sigon nga nabuhi ro Boracay matapos nga ginpahapa it COVID 19 pandemic .
Mabahoe nga bulig suno kana ro pagbukas it pwertahan it Pilipinas para sa mga turistang dumueuong bangud nga raya eamang ro andang ginahueat .
Gindugang pa ni deniega nga ginpasugtan sanda nga magtukar it hasta ala-1 it aga-aga .
Sa pihak kara, hugut sa gihapon nga ginapatuman it management ro minimum health and safety protocol .
Madumduman nga pilang mga foreign tourists eon ro nagsueod sa isla nga naghalin sa US, Canada, UK ag iba pa .
Buhos eon man ro mga domestic tourists sa boracay matapos nga ginbo-oe bilang entry requirements ro negatibong resulta it RT-PCT tests .
Nagaeaum sanda nga makabawi eon matapos nga matengga sigon it pilang dag-on eun umpisa nga nagpatuman it nagkaeain eain nga quarantine classification sa probinsiya it Aklan bangud sa COVID-19 pandemic.
