KALIBO, Aklan — Padayun nga mataeupangdan ro sangkiri nga numero it mga nagdihon it Certificate of Candidacy (COC) ag (Certificate of Nomination and Acceptance (CONA) sa ika-ap-at nga adlaw it COC filing, adlaw it Biyernes, Oktubre 4 sa Audio-Visual Room it Aklan State University (ASU)-Kalibo para sa 2025 national and local elections.
Suno kay Chrispin Raymund Gerardo, tagapaghambae it Commission on Elections (Comelec)-Aklan nga naga-abot pa eamang sa kabilugan nga an-um nga aspirants candidate ro nagdihon it andang COC nga puro naghalin sa ikaywang distrito ukon Western side it probinsiya .
Sa nasambit nga numero, tatlo ro nagapadaeagan bilang House of Representatives nga ginaeakipan nanday incumbent congressman Ted Haresco, retired Lt. Matt Wacan ag Neil Tirol .
Sambilog man ro nagpasa it COC para sa bise gobernador sa pagkatawo ni dating Makato mayor Jun Legaspi ag daywa sa provincial board member nga ginaeakipan it unga ni Cong. Haresco nga si Jose Ceciron Haresco sa ikaywang distrito ag Dennis Villaruel sa unang distrito.
Gindugang pa ni Gerardo nga padayun ro andang pagbaton it COC sa maskin sin-o nga indibidwal nga magapasa kara.
Ginaeauman sigon nanda ro pagbuhos it mga magadihon it COC umpisa sa Lunes hasta nga matapos ro deadline it pagpasaka sa Martes, Oktubre 8, 2024.
Angot kara, may padumdum ro Comelec Aklan sa mga last minute nga maga-file it COC nga i-double check ro mga forms antes nga pirmahan ag ipasa.
