KALIBO, Aklan — Magkahalo nga kalipay ag kasubo ro nababatyagan it mga negosyante sa uman nga pagbukas it Isla it Boracay sa Oktubre 26.
Ginhambae ni Malay Sangguniang Bayan member ag Boracay Foundation Incorporated (BFI) president Nenette Aguirre-Graf nga masadya imaw bangod sa uman nga pagbukas it isla sa mga turista, apang nagakasubo man bangod owa pa nanda masayuri ro iba pang plano it gobyerno.
Sa makaron sigon hay sa 95% it mga establishment owner sa Boracay ro nakasunod sa pag-demolish sa mga istraktura para sa road widening project ag 25+5 meter easement rule sa beachfront.
Sa pihak nga parte, ginklaro ni Graf nga owa man naga party ro mga turista sa beachfront kundi sa vegetation area eamang ukon sa guwa it mga hotels ag restaurants .
Dugang pa ni Graf nga may ginapatuman nga ordinansa angot sa safety it mga guests ag performers it fire dancing kamana man agud nga maprotektahan ro puti nga baeas sa isla.
