Kalibo Aklan ——-Pagakinahang-eanon sigon it Department of Trade and Industry (DTI) it laye nga sarang paeawigon ro benepisyo nga tuga it digital commerce.
Raya hay matapos kumpirmahon ni Trade Secretary Ramon Lopez nga humampak sa haeos 4,000 percent ro mga negosyo nga nagpa-rehistro sa DTI samtang kasagsagan it Luzon lockdown bangud sa COVID-19.
Ginpahayag ni Lopez sa Senate Committee on Trade, Commerce and Entrepreneurship nga kapin sa 73,276 nga mga negosyo ro nagpalista sa nasambitang ahensya sa tunga it Marso 16 ag Agosto 31.
Ro contactless transaction sigon hay parte eon it new normal it publiko.
Nakalista ro DTI it haeos 12,630 complaints ko buean it Marso hasta it Agosto.
Raya hay mas mataas it ap-at nga beses kumpara sa 3,000 reklamo nga andang nabaton antes ginpatuman ro lockdown.
