Mga NPA, inde pagtaw-an it tyansa  nga makahasik it kinagamo sa Aklan

KALIBO Aklan–Ginkasubo ni Aklan board member Nemesio Neron ro natabo nga engkwentro sa tunga it tropa it gobyerno ag mga NPA sa Brgy. Manika, Libacao.

Nagapati si Neron nga gusto eamang it mga rebelde nga magpakita it andang pwersa rason nga naeangop sa nasambit nga kabukiran.

Iya sanda nagpaamolya sa probinsya it Aklan bangud nga ginakabig nga insurgency free ag posible nga may nagasakdag nga komunidad sa nasambit nga grupo.

Ginpahayag dugang ni Neron nga dapat inde pagtaw-an it tyansa ro mga raya nga makahasik it kinagamo sa Aklan ag dapat mas pang pabaskugon it militar ro andang presensya sa mga lugar nga pwedeng mapanaugan it mga rebeldeng grupo.