Kalibo Aklan —- Sa pihak it naka-lockdown ro nasyon nga Israel nga ginakabig man nga Holy Land, uwa it masyadong naging problema ro mga Overseas Filipino workers (OFW’s) idto.
Suno kay Bombo International Correspondent Christine Cahilig tubong Brgy. Polo, Banga apang presenteng nagatrabaho sa Netanya, Israel bilang caregiver nga tayuyon ro andang trabaho ag maayos ro andang sitwasyon makaron idto.
Suno kana, ro mga nawad-an it trabaho kasunod it pagsarado it andang ginatrabahuan nga kumpanya hay suportado it nagkaeain-eain nga organisasyon nga ginakaeakipan man it mga Pinoy.
Pwede sigon sanda nga magguwa apang 500 meters eamang ro andang pwede nga panawan halin sa andang panimaeay agud nga magpainit ag mag-exercise mag-eowas eon lang kon mag-adto sanda sa supermarkets agud nga magbakae it pagkaon ag sa pharmacy para makabakae it bueong.
Sang buean eon sigon sanda nga uwa it day-off bangud nga ro andang ginaalagaan hay mga magueang nga ginakabig pa nga vulnerable sa sakit nga Covid-19.
May kaangtanan kara, ginasikyar kada oras it pulisya kon ginasunod nanda ro mga polisiya ag kon nagasunod ro mga raya sa ginapatuman nga social distancing.
