Sigidas eon ro pagpatigayon it nagkaeain-eain nga simbahan ag pagbantay it mga awtoridad para sa Simbang Gabi, makaron nga mas haeuga eon ro COVID-19 protocols.
May mga ginbutang nga physical distance markings.
Nagbutang man it magkaibang entrance ag exit agud nga indi magdueutdutan ro mga deboto.
Maskin nga owa eon naga instrikto sa physical distancing, ginapatuman gihapon ro pagsuksok it face mask sa sueod it simbahan.
Plantsado man ro security plans.
Gin-ayos eon ro mga CCTV ag may nakakalhit nga mga pulis nga nagaserbing bantay ag giya.
Ginapadumdum sa publiko, pirmeng magsunod sa mga protocols ag maging alerto sa mga modus-operandi.
Para man sa mga pamatan-on, indi maging pasaway.
Kun indi pagaseryosohon ro pagsimba, mas mayad nga magpabilin eon lang sa baeay.
Ro Simbang Gabi hay bukon it warang, bukon it tambay, bukon it ‘simbang tabi’ ag mas nga bukon it rambulan.
Irespeto naton ro pagiging sagrado it pagsimba.
Rason nga sa mga ginikanan, ipaintindi naton sa mgaunga ro matuod nga kahueugan it Simbang Gabi.
Raya hay kahigayunan.
