Ginapadahan it Philippine Consulate General sa New York ro mga Filipino matapos ro panibag-ong insidente it pagpamaril sa Brooklyn subway kon siin ginatantyang masobra sa 16 katawo ro naninahan.
Base sa pulisya, nakasuksok it mask ro suspek ag gumamit it gas canister antes nga gin-umpisahan ro pagpamaril.
Ginpahayag it consulate nga may mga undetonated device nga nakit-an sa lugar it krimen rason nga ginlaygayan ro mga Filipino nga maging mapagbantay ag magdahan bangud nga uwa pa naaresto ro suspek.
Ginapalikaw man ro mga Pinoy sa matawong Lugar ag sa 36th Street station sa Sunset Park sa tunga it ginahimo nga imbestigasyon.
Ginlaygayan man ro mga Filipino nga insigidang ireport sa Philippine consulate engkasong kaibahan sanda sa mga biktima it nasambit nga insidente para mabuligan.
Suno sa New York police commissioner, apisar nga uwa pa ginakabig nga terorismo ro apang bukon sigon raya it imposible.
