KALIBO, Aklan— Nagsalig sa heater ro mga Pinoy agud nga mabawasan ro nabatyagang eamig it tyempo ukon ro gintawag nga polar vortex sa pilang bahin it Amerika.
Sa intervew it Bombo Radyo Kalibo kay Mrs. Georgilina Fountain, tubong probinsya it Aklan apang presenteng naga-istar sa Atlanta, Georgia, ginpahayag kara nga maskin pilang patong ro suksok nandang eambong hay mabatyagan gihapon ro grabeng kaeamigon nga nagapahina sa andang eawas.
Dugang pa kara nga perming ap-at nga saewae, tatlong jacket ag may coat pa ro anang suksok maskin nga una eamang sa baeay agud mabawasan ro eamig nga nababatyagan ag makalikaw sa sakit.
Samtang, naputos man sigon it yelo ro bug-os nga palibot ag malisod para kanda ro magguwa kon makaraya ro tyempo kon siin maabot ro nagakasakit.
Nasayuran nga 20 anyos eon ro nakataliwan kat ulihi nga naeksperyensyahan ro grabeng pagyelo sa US Midwest ag Northeast section.
