Mga pumueoyo sa Italy, sigidas eon ro pagpahaum para sa bag-ong dag-on

KALIBO, Aklan–Kapareho sa iba pang mga nasyon sa bilog nga kalibutan, sambilog man ro Italy sa malipayon nga nagaselebrar it bag-ong dag-on.

Suno kay Bombo International Correspondent Girlie Ongoco nga sambilog sa espesyal nga ginahanda it mga Italyano ro “lentil beans” sa pagpati nga nagasimbolo raya it swerte.

Nauso man sigon idtu ro pagkolekta it mga bilog nga prutas ag paghanda it nagkaeain-eain nga klase it pagkaon.

Ro bilog nga magpamilya hay masadya nga nagasaeo-saeo kaibahan ro andang mga amiga ag amigo.

Apang, sangkiri eamang sigon ro nagagamit it paeupok kung siin haeos 30 minutos eamang ro ginabuhay.

Mas gusto sigon it mga pumueoyo nga magselebrar it masadya ag euwas kaibahan ro andang mga mahae sa kabuhi.