KALIBO, Aklan—Owa man naka-eusot ro mga pumueuyo it Japan eabi eon gid sa mga coastal areas ukon Northern ag Western part it nasyon sa grabe nga pagbu-bo it snow.
Suno kay Bombo International Correspondent Josel Palma it Tokyo, Japan nga nakaka-eksperyensya sanda makaron sa nasambit nga nasyon it grabe nga pagnaba it temperatura.
Makabig nga triple maghalin sa normal nga pagbuhos it snow ro naeksperyensyahan sa nasambit nga nasyon rason nga umabot eon sa 17 ka mga indibidwal ro namatay bangud sa nahueugan it mga debris it snow nga nahueog maghalin sa atup it andang panimaeay samtang nagapanglimpyo.
Nakalista man it 93 nga indibidwal ro nakaangkon it lastro bangud sa nasambit nga bagyo.
Ginatos man nga mga saeakyan ro nagapabilin nga stranded sa makaron bangud sa natampakon eon it madamoe nga snow.
Umabot man sa masobra 20,000 nga mga panimaeay ro naapektuhan it kawad-an it suplay it kuryente eabi eon gid ko nagtaliwan nga adlaw it Paskwa.
Sa makaron, nagapadayon man ro ginapatigayon nga pagpaabot it Japan government it nagakaigo nga bulig sa mga apektadong lugar sa nasambit nga nasyon.
