KALIBO, Aklan — Owa it anuman nga gintuga nga kahalitan ro tumama nga magnitude 7.0 nga linog sa Northern California, aga-aga it Biyernes, Disyembre 6.
Raya ro ginpahayag ni Bombo International Correspondent Tamerlane Mopia it nasambit nga estado.
Suno kana nga base sa report, tumama ro magnitude 7.0 nga linog maeapit sa baybayon it northern California bandang 2:44 it aga-aga it Biyernes. Raya hay may daeum nga 13 kilometro.
Gin evacuate suno kana ro mga residente sa coastal towns it northern California matapos ipasaka ro tsunami warning nga ko ulihi hay ginbawi man.
Mag-eowas kara, owa man it namatay ukon naninahan sa linog kaibahan ro mga Pinoy nga naga-istar sa nasambit nga lugar.
Sa pihak kara, nagdeklara it state of emergency si Governor Newsome sa nasambit nga rehiyon ag nagdeploy it mga soldado agud nga magbulig sa kapin sa 150 nga mga pamilyang naapektuhan.
Naka eksperyensiya man sigon it maeapnagon nga power interruption sa lugar pagkatapos it linog.
