Mga premyo nga igauli ni ‘Golden boy’ Yulo

Nag himo it kasaysayan si Carlos Yulo para sa Pilipinas sa Paris Olympics, matapos mabuoe ro ikaywang bueawan nga medalya it nasyon sa Summer Games ko dominggo it kaaganhon.

Kasunod it makasaysayang pagdaog, ro Golden Boy it nasyon hay nakataeana nga makabaton it mga premyo para sa pagtataas it bandera sa entablado it kalibutan.

Sa idaeom it Republic Act No. 10699, o ro National Athletes and Coaches Benefits and Incentives Act, ro mga gold medalists hay dapat makabaton it P10 milyon, samtang ro mga silver ag bronze medal winner hay makabuoe it P5 milyon ag P2 milyon, suno sa nakabaehag.

Bangod si Yulo hay nagadaog it bueawan sa Olympics, kon sa siin ginasaligang makabaton imaw it P10 milyon imaw it Gold Olympic Medal of Valor halin sa Philippine Sports Commission.

Makabaton man  si Yulo it house and lot mula sa Philippine Olympic Committee, nga nauna eon nga pinangakuan nga pagataw-an it papremyo sa Paris Olympics gold medalists.

Pagataw-an man it House of Representatives si Yulo it P3 milyon, sunokay House Committee on Appropriations Chairperson Elizaldy Co it AKO BICOL party-list.

Ro 24-anyos nga gymnast hay pagataw-an man it P24-million condominium unit sa Taguig City, kaibahan ro ging promise it property development firm nga Megaworld Corp. nga sangka ‘fully furnished 2-bedroom condominium unit sa McKinley Hill.’

Ro buffet restaurant chain nga Vikings Group hay magatao man it libreng buffet samtang naga kabuhi ro Olympic gold medalist para sa anang naangkon nga pagdaog.

Samtang, ro engineering ag construction firm nga NEXA Engineering hay magatao kay Yulo it libreng lifetime engineering design.

Pwede man sigon n ga makakita it mas maabo premyo ro Golden Boy it nasyon sa mga masunod nga adlaw, kaparehas it pag abo it suporta halin sa gobyerno ag pribado nga sektor para sa kauna-unahang Olympic gold medalist nga si Hidilyn Diaz