NATIONAL News —- Ginklaru it gobyerno nga bukon it kaibahan sa optional nga pagsuksok it facemask ro mga senior citizen ag may mga sakit.
Kasunod raya it naging rekomendasyon it Inter-Agency Task Force (IATF) kay Pangueong Ferdinand ”Bongbong” Marcos Jr. angot sa paghaeuga sa paggamit it face mask sa outdoor spaces sa bilog nga nasyon.
Suno kay Press Secretary Trixie Cruz-Angeles, bukon it kaibahan sa mga magabo-oe it face mask sa matawong lugar nga may una nga maayos nga bentilasyon ro mga senior citizen ag mga may grabeng baeatian.
Sa pihak it pagpabor it Malacanang, gin-engganyo kara ro publiko nga padayunon sa gihapon ro pagsuksok it facemask bangud nga nagapabilin ro paeag it COVID-19.
Ginpahayag it sekretaryo nga engkaso nga makitang mataas eon man ro numero it mga Pilipinong nagpa-booster shot kontra sa IATF, makaangkon it pilot test sa ulihing quarter it dag-on para sa mandatory nga pagbo-oe it face mask.
Samtang, ginklaru pa ni Cruz-Angeles nga owa pa it polisiya ro paghaeuga sa pagbo-oe it paggamit it facemask sa baylo hay rekomendasyon pa eamang raya kanda it IATF.
Sa naging pahayag man ni Department of Health (DOH) Undersecretary Maria Rosario Vergeire, ginpahayag kara nga pabor si Pangueong Marcos sa rekomendasyon it IATF apang kinahangean anay nga magpaguwa it Executive Order para maging epektibo ro mandatoryong pagbo-oe it face mask sa pampublikong lugar.
