BALITANG Espesyal — Sangka tumaeagsahon nga karera ro gin-abangan it mga tawo sa tunga it maueanon nga paniempo sa Congham, Norfolk.
Raya hay ro karera it mga snail. Gindumog it mga tawo ro nasambit nga karera ag haeos nag-enjoy ro tanan maskin nga ro nakaandan nga tan-awon hay ro racing events nga ro mga participants hay puro mga madasig.
Nagtililipon ro maabu nga tawo sa pihak it maueanon nga paniempo agud nga magsaksi sa World Snail Racing Championships kun sa siin, masobra sa 150 ro nagpasakop sa event nga una nga ginpatigayon ko 1960s.
Ro mga snail hay maga-compete sa sueod it sangka round table ag magapauna-una nga magatapak sa maisot nga inner circle ag paagto sa outer circle.
Ro nagdaog hay ro snail nga si Jeff nga naka-record it 4 minutes ag 3 seconds.
Bangud kara, nabo-oe nana ro sangka bugkos nga Romaine lettuce.
