BusinessNews ——–Gusto it Department of Labor and Employment (DOLE) nga i-eakip ro mga Overseas Filipino Workers (OFWs) ag minimum wage earners sa listahan it mga unang mabakunahan kontra COVID-19.
Suno kay Labor Secretary Silvestre Bello III, dapat sanda ro masunod pagkatapos it mga health frontliners, mga suldado ag vulnerable sector.
Nagakadapat eamang sigon nga maprayoridad ro mga OFWs eabi pa ag sanda hay ginakabig man nga modern-day heroes samtang ro mga minimum wage earners ro nagapadaeagan sa ekonomiya.
Igasueong nanda ro nasambit nga proposisyon sa Inter-Agency Task Force (IATF).
Base sa IATF-EID list, prayoridad nga makabaton it COVID-19 vaccines ro mga health workers, senior citizens, indigent population, uniformed personnel, school workers ag government workers.
