Ginpaathag ni Senate President Tito Sotto III nga sa umpisa pa eang, owa eon it nagakaigo nga numero ro minorya para pahalinon imaw sa pwesto rason nga owa nadayun ro plano nga kudeta sa anang liderato.
Suno kay Sotto, saea ro gina-isip it ibang tawo nga gina-offer it mayorya kay Senator Loren Legarda ro Senate presidency antes matapos ro 20th Congress agud nga mapunggan ro kudeta.
Pahayag ni Sotto nga sa roll call pa eang, nasayuran eon nanda nga owa it numero ro pihak nga grupo para pahalinon imaw sa posisyon bangud owa it maskin sambilog ro nagatindog agud nga raya hay i-manifest.
Para Senate President, owa man it epekto ro hambae eang nga may magabueos sa Senate leadership bangud sigurado nga mahuy-an ro magahimo kara.
Suno pa kana, kinahanglan anay nga masiguro nga may 13 nga boto ag nakasueat raya sa sangka manifesto para mangin mabakod ro commitment nga may pagbag-o sa liderato.
Mag-eowas kara, ginpahayag ni Sotto nga dapat man nga istoryahon ro nagapungko nga Senate president antes nga iprisintar ro nagakaigo nga pirma ag ro rason kon ham-an nga gusto nga makaangkon it pagbag-o sa leadership ag sa punto ngara, nagadesisyon ro Senate president nga mag-resign eon lang ag ipahayag raya sa plenaryo.
