KALIBO, Aklan — Nagapabilin bilang gobernador it probinsiya it Aklan si Florencio “Joeben” Miraflores ag anang bise gobernador nga si Atty. Reynaldo “Boy” Quimpo.
Gindeklara it Provincial Board of Canvassers (PBOC) sa pagpanguna ni Provincial Election Supervisor Atty. Elizabeth Doronilla ro andang kadaeag-an kontra sa mga hugut nga kaengkwentru nga si outgoing Kalibo Mayor William Lachica ag Ramon “Jun” Legaspi, Jr.
Maskin nga may nabilin pang mga munisipyo nga owa nakapasa it kompletong mga boto hay gindeklara eon ro pagdaog it magka-tandem.
Base sa datos it PBOC, abanse si Miraflores sa botong 143,066 kontra sa 135,401 nga boto ni Lachica.
Si Quimpo man hay umabanse sa puntos nga 126,964 nga boto kontra sa 118,063 nga boto ni dating Makato Mayor Legaspi.
Samtang, kaibahan sa nagdaog nga Sangguniang Panlalawigan (SP) member sa unang distrito it Aklan sanday Nemesio Neron (66,897); Juris Sucro (65,019); Soviet dela Cruz (62,620); Harry Sucgang (52,700); ag Immanuel Sodusta (50,915).
Sa ikaywang distrito it Aklan, nagapabilin sa pwesto ro mga dating SP members nga sanday Miguel Miraflores (64,587); Jay Tejada (63,741), Esel Flores (61,528), Nelson Santamaria (51,848) ag Ramon Gelito (48,246).
