POLICE Report — Medyu manok ro sangka misis matapos nga gin-eu-eu ro anang leog it anang kaugalingon nga mister bangud sa gina-alegar nga grabeng selos sa Talisay City, Cebu.
Owa eon naka-abot nga buhi sa ospital ro biktima nga ginkilaea kay Diana, 30, samtang arestado ro suspek ag mister kara nga si Roston, 38, parehong residente it T. Padilla, Cebu.
Base sa report it Talisay Municipal Police Station, bandang alas-5 it hapon kat matabu ro krimen sa karsadang sakop it Washington St., Barangay Poblacion, Talisay City.
Suno sa saksing si kay Jeffrey Villoria, 42, antes ro krimen hay nakita nana ro daywa nga nagapaligos sa dagat ag naga-inuman.
Makataliwan ro pilang minuto, nagtakas eon sa tubi ro daywa ag samtang nagatikang hay nakaangkon it owa pagka-ilintindihan ro mga raya.
Bangud kara, gulpi eamang ginilitan it suspek ro leog it biktima rason nga duguan raya nga bumagsak sa eugta.
Nagpangayo it bulig sa mga residente si Villoria ag ginbaeabagan nanda ro suspek nga nagresulta sa pagkadakop kana.
Gindaea sa ospital ro biktima apang gindeklarang patay eon it nagtatap nga doktor.
Sa estasyon it pulisya, ginpahayag it suspek nga may kabit ro anang misis rason nga nahimo nana raya nga patyon.
Nagapangatubang makaron sa kasong murder ro suspek.
