KALIBO, AKLAN — Agud makalikaw sa akig nga mister, kumaripas it daeagan ro sangka 34 anyos nga misis matapos nga gin eagas it bara de kabra sa Brgy. Balosbos, Malay, Aklan.
Suno sa Malay PNP, nakipag-inuman ro owa gin hingaeanan nga 39 anyos nga mister sa anang mga kabarkada nga owa pa natapos ro andang pagbuead it paeay.
Sa kaugot ni misis, ginsukob kara ro mister ag tinalakan sa atubang it mga kainuman kadunghan it pagbo-oe sa susi it anang motorsiklo kat nagpamalibad pa raya nga magsunod kana pauli.
Nagtueod sigon it motorsiklo pauli ro mister kun siin pag abot sa baeay hay nakaangkon it mainitang diskusyun ro daywa hasta sa napikon si mister ag nagbo-oe it bara de kabra.
Sa mayad nga swerte hay may nagapatrolyang pulis sa lugar rason nga nakapangayu it bulig ro misis.
Gin kulong man ro mag-asawa bangud sa eskandalong ginhimo apang, gin pahilway pagka-aga kun sa siin dunghan man sanda nga nag uli.
