-- ADVERTISEMENT --
Nakit-an eon ro missing bride-to-be nga si Sherra de Juan sa banwa it Sison sa probinsya it Pangasinan.
Suno kay Quezon City Police District (QCPD) director Police Col. Randy Glenn Silvio, nakabaton sanda it report halin sa concern citizen nga nakit-an nanda ro babayeng ginainusoy.
Insigidang gin-adtunan it kapulisan kaibahan ro nobyo kara nga si Mark Arjay Reyes ag eaeaking igmanghod ni Sherra ro nasambit nga lugar.
Dugang pa ni Silvio nga paeain-eain ro pahayag it babaye rason nga naghinyo ro pamilya kara it privacy.
Madumduman nga ulihing nakit-an si De Juan ko Disyembre 10 sa Commonwealth Avenue kon sa siin nag-eaong raya sa nobyo nga magabakae eamang it sapatos nga pagasuksok nana para sa kasae nanda ko Disyembre 14.
-- ADVERTISEMENT --
