KALIBO,AKlan– Nagplastar eon it mga nagakaigong tikang ukon mitigation measures ro Metro Kalibo Water District ukon MKWD kasunod it deklarasyon it PAGASA nga pagpaeanasa it El Nino phenomenon sa nasyon.
Raya hay sa pihak it maueanon nga panyempong nae-ekspersyahan sa makaron.
Suno kay Engr. Lydio Ureta, General Manager it Metro Kalibo Water District nga raya hay sa pihak it bastanteng suplay it tubi sa mga pumping stations it probinsya.
Sandig sigon sa mga nagtaliwang na-eksperyensyahan it ahensya angot sa nasambit nga phenomenon, owa nakaangkon it kakueangan it tubi ukon naastan ro Aklan river nga nagasebing water source it probinsya it Aklan.
Ginpahayag dugang nga kapin sa 1.5% it total capacity of water resources ro anda eamang nga ginagamit.
Angot kara, magatukod man it tangke ro MKWD sa may bahin it Brgy.New Buswang nga magatipon it tubi nga gaabot sa kapin sa 350 cubic meter kada adlaw.
Tinutuyo kara nga makatipon dugang it bastanteng tubi nga pwedeng magamit sa tiempo it pagpaeanasa it El Nino.
Sa pihak nga parte, apisar suno kay Engr.Ureta nga bastante sa makaron ro suplay it tubi, indi sa gihapon sigon dapat nga maging kampante ag kinahangeang pahauman ro pagtama kara sa nasyon
