KALIBO, Aklan — Nakit-an it tag-ana it sangka junk shop nga si Alexander Rodillas ro sangka 60mm mortar sa sueod it anang taeambakan it basura sa C. Quimpo St., Kalibo, Aklan, Lunes it hapon.
Suno kay Rodillas nga matapos nga makita ro vintage bomb sa mga ginkamada nga scrap metals hay insigida nana raya nga gin-report sa mga otoridad.
Posible suno kana nga nakaibahan ro pampasabog sa mga ginbaligya nga items sa anang junk shop it owa eon nanda nakilaea nga indibidwal.
Kaibahan it mortar ro owa eon nakakabit nga wire kara.
Matapos ro ginpatigayon nga render-safe procedure it mga tawuhan it Explosive Ordinance Disposal (EOD) sa nakit-an nga pampasabog ag insigida raya nga gindaea sa Aklan Police Provincial Office (APPO).
Nagpaandam ro mga otoridad nga posible pang sumabog ro mga vintage bomb kon indi raya mabuytan it maayos.
