-- ADVERTISEMENT --
KALIBO, Aklan — Patay ro sangka motorcycle rider samtang naninahan ro anang angkas matapos nga maaksidente sa Brgy. Carugdog, Lezo.
Patay eon kat maka-abot sa provincial hospital ro biktima nga nakilaea kay Ericko Diaz, 19, ag residente it Brgy. Agcawilan, Lezo samtang naninahan ro anang backrider nga si Joshua Taglay nga padayun nga ginabueong sa nasambit nga ospital.
Suno sa pulisya, naduea-an sigon it kontrol si Diaz samtang nga nagabiyahe sa nasambit nga lugar.
Inapok sigon ro daywa sa eanas ag napuruhan ro biktima rason it anang hinali nga kamatayon.
Ginasugid nga antes ro insidente hay naghalin ro biktima ag ro anang angkas sa baeay it anang tiyo ag nakipag-inuman.
-- ADVERTISEMENT --
