KALIBO, Aklan—Lastro sa oeo ag nagkaeain-eain nga parte it kaeawasan ro naangkon it sangka motorista matapos nga sumunggab ro ginamanehong motorsiklo sa delivery truck sa national highway nga sakop it banwa it Numancia, Aklan.
Ginkilaea ro biktima nga si Rodel Macavinta, sangka utility sa Aklan provincial hospital ag residente it Brgy. Calimbajan, Makato, Aklan samtang ro driver it wing van hay ginkilaeang si Jayvee Simplina.
Suno kana, maga u-turn kunta imaw apang pag-abot sa pihak nga linya it nasambitang karsada hay gulpi eamang nga may sumunggab nga motorsiklo sa andang prenti.
Ginpabutyag dugang nga owa nana mailikaw pa ro manibela it anang saeakyan bangud sa kadasig it hitabo.
May kaangtanan kara, ginrefer si Macavinta sa sangka ospital sa syudad it Iloilo matapos nga gin-eapatan it paunang medikasyon sa provincial hospital bangud sa anang lastro sa ueo.
