KALIBO, AKLAN — Patay ro magkaangkas sa motorsiklo matapos sumunggab ro andang ginasakyan sa konkretong poste it Akelco sa Brgy. Linabuan Norte, Kalibo.
Ginkilaea ro mga biktima nga sanday Juvy Ilig, 20, residente it Brgy. Janlud, Libacao ag Maryniel Zausa, 19, it Brgy. Julita, Libacao.
Ro daywa hay gindeklarang dead on arrival sa ospital bangud sa naangkon nga grabeng lastro sa ueo ag ibang parte it ewas.
Base sa report, halin sa Kalibo ro ginamanehong motorsiklo ni Ilig sakay si Zausa ag pag-abot sa nasambitang lugar hay gulping nag-overtake sa ginasundang motorsiklo kabangdanan nga nawad-an it control sa behikulo ag sumunggab sa konkretong poste it iwag sa kilid it karsada.
Sa kabaskugon it pagkasunggab hay parehong naeampos sa sementadong pader ro mga biktima nga naging kabangdanan it andang hinali nga kamatayon.
