Bukas sa tanan nga oportunidad si Ms. San Claire Saguano, ro ginkoronahan nga Miss Grand Aklan 2023 sa ginpatigayon nga Miss World Aklan 2023 bilang kaparte it selebrasyon it Aklan Day.
Suno kana, kon magapanuktok ro oportunidad kana hay inde nana raya pagbalibaran eabi eon kon masarangan malang ag inde magconflict sa anang pag-eskwela.
Raya ro sambilog sa mga plano ni Ms. Saguano matapos nga napamatud-an sa tanan nga bukon eamang it beauty ro anang ginaangkon kundi pati man kaaeam matapos nga nakuhit ro sambilog sa mga korona nga gintaeana sa nasambit nga beauty pagaent.
Angot kara, ginlaygayan nanda ro mga kaparehong kababayin-an nga gustong maging beauty queen nga inde mag-give-up sa handom ag padayon eamang nga maghandom kaeakip ro pangamuyo para magiyahan sa andang mga gusto.
Si Ms. Saguano hay tubong banwa it Nabas ag sangka criminology student it Aklan State University New Washington Campus.
