-- ADVERTISEMENT --
KALIBO, Aklan — Pinaagi sa sangka resolusyon, gin pasindunggan it Sangguniang Panlalawigan it Aklan si Miss Kathleen Paton kasunod it anang pagdaug bilang Miss Teen International 2017 sa Bangkok, Thailand.
Pilang ka mga katapo it Board Members ro nagtao it andang mga mensahe it pagdayaw ag pagpasaeamat sa Aklanon beauty queen nga personal nga nagtambong sa session kaibahan ro anang ina.
Nauna eon nga gin taw-an it heroe’s welcome ro batang beauty queen kun siin mainit rayang gin sugaeaw it street party it Ati-Atihan festival sa banwa it Kalibo.
Si Kathleen nga gin unga sa isla it Boracay ro kamanghuran sa ap-at nga magmaeanghod it mag-asawang Roy Paton, sangka Australian national ag Luz Sinag Paton it Barangay Laserna, Nabas, Aklan.
