Nagbuga it 10,449 toneladang Sulfur dioxide ro Mt. Kanlaon sa sueod it 24-oras ag naka lista man raya it 55 volcanic earthquakes, suno sa Philippine Institute of Volcanology and Seismology (PHIVOLCS) kahapon it agahon, dominggo, Setyembre 22.
Suno pa sa PHIVOLCS gingtaas eon sa alert level 2 ro Mt. Kanlaon kung siin apektado ro mga lugar sa probinsya it Negros Occidental, Negros Oriental ag Negros Island.
Nagpadomdom man do state seismic agency nga posible sa ano man nga oras ro steam o phreatic explosions it nasambit nga bulkan.
gaabot man sa 800-metro ro sulfuric plume nga nag adto sa Norte nga direksyon.
Ginpaandaman man it PHIVOLCS ro publiko nga nabawae ro pagsueod sa 4-kilometro nga Permanent Danger Zone (PDZ) bangud sa peligro it sangka pahieangupon ag mabahoe nga pagsabog it Mt. Kanlaon.
