KALIBO, AKLAN — Padayon nga nagapamayad sa Intensive Care Unit (ICU) it Aklan Provincial Hospital ro sangka 27-anyos nga misis ag daywang bueang nabdos matapos nga naghanang magpakamatay pamaagi sa pagbigti sa Kalibo, Aklan.
Suno sa mister nga nagpamalibad nga magpasambit it pangaean, mahimo sigon nga nagsunggod kana ro misis matapos nga nag-uli nga hilong.
Nagdiskusyon sigon sandang daywa ag nagguwa imaw sa andang baeay agud nga magpaeamig eamang it ueo.
Uwa sigon kara napiniinuhan nga magapakamatay ro misis hasta sa may nag-agi nga ambulansiya paadto sa andang baeay.
Nasayuran nga nakit-an it anang 11-anyos nga onga sa dating karelasyon ro pagbigti it anang misis kabangdanan nga insigida raya nga nakapangayo it tabang ag nahukas sa pagkabigti ro biktima nga naggamit it eubid.
