KALIBO, Aklan—Nag-abot sa 30,946 ro kabilugan nga numero it mga botante nga nagpa-rehistro para sa Barangay ag Sangguniang Kabataan Elections sa December 5, 2022.
Suno kay Crispin Raymund Gerardo, tagapaghambae it commission on elections ukon Comelec-Aklan nga naging madinaeag-on ro andang 18 diyas nga pagparehistro makaron nga dag-on nga nagtapos ko Hulyo 23, 2022.
Sa nasambit nga numero, 18,172 ro nagpa-rehistro nga naga edad it 15 hasta 17 anyos.
Kadungan kara, nagpasaeamat si Gerardo sa mga nagbuylog sa pagparehistro.
Sa makaron, dere-deretso sigon ro andang preparasyon para sa eleksyon samtang nagahueat pa kun ano ro madangatan it mga proposisyon sa kongreso nga nagatuyo nga mapaiway ro Barangay ag SK elections sa Disyembre.
Sa pihak nga parte, ginkumpirma ni Gerardo nga uman nga nagbalik si Atty. Roberto Salazar bilang Comelec provincial supervisor.
