-- ADVERTISEMENT --
KALIBO, Aklan — Nagapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002 ro sangka gina-alegar nga nagaduso it marijuana matapos nga maaresto sa ginkasa nga buy-bust operation sa isla it Boracay.
Narekober sa suspek nga si Ped Jay Sabanal, 24, tubong Calinan, Davao del Norte ag presenteng naga-istar sa Sitio Lapuz-lapuz, Brgy. Balabag sa isla ro daywang sachet it ginadudahan nga ginpamaea nga dahon it marijuana ag P1,200 nga buy-bust money.
Ginasugid nga pilang adlaw man nga ginpaidaeum sa surveillance ro suspek antes nga ginpatigayon ro operasyon.
