Masobra 8 million nga katawo sa bilog nga kalibutan ro nagakamatay sa sueod it sang dag-on bangud sa pagpanigarilyo.
Suno kay Psyche Mae Ruiz, anti-smoking coordinator it PHO-Aklan nga tuyo makarun it selebrasyon it World No Tobacco Day nga maprotektahan ro mga inunga ag pamatan-on nga malikawan ro paggamit it tobacco ag nicotine.
Tuyo pa gid kara nga engganyuhon ro gobyerno nga magpatuman it polisiya ag aksyon agud nga magnaba eun ro numero it mga nagakamatay nga mga indibidwal bangud sa paggamit it nasambitan nga produkto.
Suno pa kay Ruiz nga maabo ro mabo-oe nga sakit sa paggamit it tobaccao kapareho eamang it nagkaeain eain nga klase it canser, heart disease, lung disease, ag maabo pang iba.
Samtang, maabo man suno pa kana ro pamaagi it mga tobacco companies agud ma-engganyo ro mga pamatan-on nga magbakae kara.
Raya hay sa pihak it mga padumdom ag pahadlok nga ginhimo it mga health authorities angot sa epekto it tobacco sa kaeawasan.
Pila eamang sa mga raya hay ro andang pagkangay it mga sikat nga tawo , media ag iba pang mga influencers para mag-engganyo it panibag-o nga mga users.
Ginklaro man kara nga ro e-cigarettes ag iba pang vaping devices hay parehong may maeain nga epekto sa keawasan.
