KALIBO, Aklan—Nagapadayun ro rescue operation sa Taiwan kasunod it 6.8 magnitude nga linog nga tumama sa matawong lugar sa southeastern part it nasambit nga nasyon kahapon it domingo.
Suno kay Bombo International Correspondent Reynand Dumala-on it Taiwan nga ginmandu ni Taiwan President Tsai Ing Wen ro pag activate sa Central Emergency Operation Center kadungan ro pag deploy it mga soldado sa lugar agud nga pangunahan ro rescue ag pagpanupod it relief efforts para sa mga apektadong residente.
Bangud sigon sa kabaskog it linog, pilang mga tren ro nadiskaril, nahugos ro mga convenience store ag tulay kamana man nga maabu nga mga pumueuyu ro na-trap sa mga daeanon sa mga nabukid nga parte it lugar.
Sa makaron hay may sambilog nga nailistang namatay samtang masobra sa 60 nga iba pa ro naninahan nga una eon man sa establi nga kundisyon.
Ginpahayag dugang nga bangud nga ro Taiwan hay nahamtang sa ibabaw it tectonic plate rason nga haeos sanay eon ro mga tawo sa mga mabaskog nga linog.
Mag-eowas kara, kaabuan sa mga building hay earthquake proof.
Kaabuan sigon sa mga nag-collapse nga building hay luma eon.
Sa pihak nga parte, ginpahayag ni Dumala-on nga hasta sa makaron hay padayun nanda nga nabatyagan ro aftershocks eabi eon sa eskwelahan nga anang ginatur-an.
Apang owa man sigon naga-panic ro mga estudyante bangud sa pagiging preparado ag nasayuran ro mga dapat nga obrahon sa pagtama it linog.
