Nagbaskog ro panawagan it nagkaeain-eain nga grupo sa Panay nga ibasura ro Oil Deregulation Law kasunod it sunod-sunod nga pagtaas it presyo it langis nga nagapabug-at sa gaeastuson it mga pamilya.
Suno sa mga consumer group, mangunguma ag sektor it edukasyon, nagiging hilway ro mga kompanya it langis nga magtaeana it presyo bangud sa nagairal nga laye nga nagaresulta sa pagtaas it pamasahe, pagkaon, ag iba pang nagapangunang baeak-eon.
Ginpahayag it snagka miyembro it Alliance of Concerned Teachers-Panay nga batyag it mga manugturo ro epekto it pagtaas it presyo it langis, kapin eon ag nagapabilin nga manaba ro sweldo kumpara sa nagataas nga gaeastuson.
Gin-insister man nanda ro panawagang pagtaas sa sweldo.
Samtang, ginpahayag it mga mangunguma nga nalisdan sandang tustusan ro kinahang-eanon sa pagpanguma sa mahae nga krudo, nga nagapamaeag sa andang pangabuhian ag produksyon.
Bangud sa padayon nga paghueag it presyo it langis sa pangkalibutanong merkado, nagpaandam ro mga grupo nga posibleng mas maabong pamilya ro maeomos sa kapigaduhon kon uwa it insigidang tikang ro gobyerno.
