Nagsaka sa 13 ro nailistang namatay kasunod it maeapnagong pagbaha nga natabo sa Northern Italy.
Suno kay Bombo International Correspondent Girlie Ongoco it Rome, Italy nga nakit-an eon ro halit nga gin-aywanan it mataas nga pagbaha kat naghubas ro tubi.
Ginatos ka mga tulay ro nasamad, inanod nga panimaeay ag ro mga nailista nga mudslides.
Ginpaathag sigon it eksperto nga ro natabo hay bangud sa globang warming bangud sa mabuhay nga tag-init ag nagpang gil-ang ro eogta hay uwa it kapasidad nga magsuyop it volume it tubi.
Bangud sa pilang adlaw nga nag-inuean hay nag-awas ro mga kasubaan maging ro dam rason nga nagdire-diretso ro tubi partikular sa mga manaba nga porsyon it lugar.
Angot kara, bilyon euros ro nailista nga damage sa infrastractura, agrikultura, propyedad ag maabong iba.
Sa makaron suno kana hay puspusan ro ginahimo nga clearing operation nga ginpangunahan it gobyerno kon sa siin posibleng madugangan pa ro bilyones nga haega it danyos nga nailista tuga it nasambit nga kalamidad.
