POLICE Report — Sangka 19-anyos nga eaeaki ro gina-alegar nga nakabuno ag nakapatay sa anang 66-anyos nga lola sa andang baeay sa Barangay Pahanocoy.
Suno sa imbestigasyon it kapulisan, nag-ugat ro insidente matapos masaksihan it suspek ro mainitan nga diskusyon it anang ina ag lola.
Bangud kara, nagbo-oe ro suspek it kutsilyo sa kusina ag ginbuno ro anang lola, nga nag-angkon it maabu nga nina sa nagkaeain-eain nga parte it eawas rason nga gindeklarang patay eon kat maka-abot sa ospital.
Arestado ro suspek it mga barangay tanod ag insigidang ginturn-over sa kapulisan.
Suno sa mga awtoridad, raya ro kauna-unahang kahigayunan nga naging bayolente ro suspek, nga naga-istar sa baeay it anang lola umpisa pa ko Oktubre it nagtaliwan nga dag-on.
Nagapangatubang ro suspek sa kasong parricide.
