KALIBO, Aklan — Uman nga nailihir nga alkalde it Malay, Aklan si Ceciron Cawaling nga nauna eon nga ginpatalsik it Ombudsman bangud sa gina-alegar nga pagpabaya sa isla it Boracay.
Daog si Cawaling matapos makabo-oe it 16,277 halin sa kabilugan nga 40,913 nga boto sa nasambit nga banwa.
Ro pinakamaeapit nana nga kaengkwentru nga dati man nga mayor it Malay nga si John Yap hay may 12,620; samtang si Ranara Rodgiet, sangka negosyante nga tubong Davao City hay may 1,200 nga boto.
Samtang, ro nagbueos nga mayor kay Cawaling nga si Abram Sualog hay napierde sa pagka-vice mayor kay Fromy Bautista nga nakabo-oe it 16,149 nga boto kontra sa 12,473 nga boto ni Sualog.
Nasayuran nga ko Abril 24, 2019, ginpaguwa it Department of Interior and Local Government (DILG) ro dismissal order kontra kay Cawaling kasunod it anang an-um nga buean nga preventive suspension.
