Passable eon sa tanan nga klase it saeakyan ro national highway nga sakop it Brgy. Gibon, Nabas.
Suno kay Engr. Joey Ureta, head it maintenance section it Department of Public Works and Highways ukon DPWH Aklan nga sa pag-eontad it landslide hay insigida nanda raya nga gin-adtunan bangud nga idto man mismo sa lugar ro andang mga equipment.
Gilayon nanda nga nataw-an it daean ro mga saeakyan sa rato man mismo nga adlaw ag ginbalikan ro ibang eapok nga nakabalandra ko adlaw it dominggo hasta nga nahimos nanda raya tanan.
Paathag ni Engr. Ureta nga bangud sa sigidas nga pag-inuean ko nagtaliwan nga inadlaw hay naghumok ro eapok nga gintunaan it pagkahugos it eogta.
Ro mga bukid sa binit it highway hay ginabutangan nanda it screen bilang proteksyon sa mga byahero bangud sa inde malikawan nga insidente kaparehas kara.
