Nagpanawagan si Senate Majority Leader Francis Tolentino it maeapnagon nga suporta para sa National Meat Inspection Service (NMIS) it Department of Agriculture (DA) para siguruhon ro kaeowasan ag kalidad it mga produktong karne it nasyon.
Raya hay kasunod it mga seryosong hangkat kaparehas sa pagkalhit it African Swine Fever (ASF) ag paghina it lokal nga produksyon.
Ginapan-aw nana nga ro pagpabaskog sa National Meat Inspection Service ro kinahang-ean it Pilipinas para makriar it eowas ag de-kalidad nga karne kaparehas it baboy, manok, ag baka.
Mag-eowas sa Department of Health ag Department of Science and Technology, dapat man sigon nga buligan ro National Meat Inspection Service it Department of Trade and Industry (DTI), Presidential Communications Office (PCO), ag Department of Budget and Management (DBM) para mapamayad ro mga sistema ag kampanya kara.
Madumduman nga nauna eon nga nagpanawagan ro senador sa gobyerno nga magdeklara it state of calamity para matapna ro ASF nga eubusang nagpahapa sa produksyon it lokal nga hog raisers.
