KALIBO, AKLAN — Arestado ro sangka negosyanteng Chinese national nga wanted sa kasong pag-eabag sa Child Abuse sa sueod it anang establisimento sa Pastrana St., Kalibo, Aklan.
Ginkilaea ro gindakop nga dumueoong nga si Lin Feng, alyas Mr. 21, 34, taga-China, tag-iya it sangka kilaeang establisimento ag temporaryong naga-istar sa nasambitang lugar.
Ro operasyon hay pamaagi sa warrant of arrest nga ginpaguwa ni Presiding Judge Bienvinido P. Barrios, Jr., it RTC 6 Branch 3, Kalibo, Aklan.
Nagpakuno-kuno sigon nga magabakae ag magapangayo it discount ro mga pulis kabangdanan nga na-korner ro dumueoong.
Kapin sa P80,000 ro gintaeanang piyansa para sa temporaryong kahilwayan it akusado.
Sangka klase sigon it psychological violence ro ginhimo it akusado sa batang customer nga gindangop it anang mga ginikanan sa Women’s and Children Protection Desk (WCPD) section it Kalibo Police station may pilang buean eon ro nakataliwan.
