Gin-akusahan ni Israeli Prime Minister Benjamin Netanyahu ro grupong Hezbollah bangud sa gintinguhaan imaw nga patyon gamit ro drone matapos salakayon ro andang baeay sa Caesarea, Israel.
Ginpamalibaran mat-a it Hezbollah ro pabangod ni Netanyahu.
Nagtueod it mas grabeng girian sa tunga it Hezbollah ag Israel matapos mapatay it Israel ro lider it mga militanteng grupong Hezbollah nga si Hassan Nasrallah ag si Yahya Sinwar it Hamas.
Uwa mat-a sa andang baeay si Netanyahu kat matabo ro nasambit nga paghana samtang uwa it nailistang ninahan halin sa pag-atake it Hezbollah.
Suno mat-a kay Israel military spokesman Rear Admiral Daniel Hagari, na-intercept nanda ro tatlong drone nga ginpadaea it Hezbollah halin sa Lebanon.
Ginpahayag ni Israeli Foreign Minister Israel Katz nga ro drone attack nga ginpaeopad sa baeay ni Netanyahu hay pamatuod it minatuod nga kolor it Islamic Republic.
Gin-akusahan ni Katz ro Iran nga pasimuno sigon it ‘evil axis’ sa rehiyon.
