Uman nga nagpahayag ro National Food Authority it kagustuhan nga makabaligya it uman it baratong bugas sa publiko.
Sa interpelasyon ni Cavite Rep. Lani Mercado Revilla, nausisa it mamalidha si NFA Director Larry Lacson kon may maibulig baea sa ahensya kon maibalik ro andang gahom nga makabaligya sa mga merkado.
Suno kay Lacson, mabahoe raya nga bagay agud makaangkon sanda it outlet nga maipaguwa ro suplay it bugas.
Sa makaron sigon hay nakakabaligya eamang sanda sa DSWD, Office of Civil Defense, ag mga LGU kon may tyempo it kalamidad ag sa Kadiwa Centers.
Apang, sa makaron hay ginakabaeak-an nanda ro kapin sa 5.4 million bags nga naka-stock sa andang warehouse ukon katumbas it 275,000 metric tons it bugas.
Ginpahayag dugang ni Lacson, ro nasambit nga buffer stock hay bastante para mapakaon ro bilog nga Pilipinas sa sueod it waeong adlaw.
